María Adelaida Egurbide Margañón, secretaria xudicial do Xulgado do Social número 2 da Coruña, fago saber que no procedemento de seguridade social 67/2013 deste xulgado do social, seguido por instancia da Mutua Gallega de Accidentes de Trabajo contra Escayolas y Decoraciones Lanzarote, S.L., Mutua Fremap, o Instituto Nacional da Seguridade Social, a Tesouraría Xeral da Seguridade Social, David José Arbelo Delgado e Montajes Guadiana, S.A., sobre seguridade social, se ditou sentenza cuxo encabezamento e decisión din:

«Sentenza.

A Coruña, 23 de xuño de 2014

Miguel Herrero Liaño, maxistrado xuíz do Xulgado do Social número 2 da Coruña, despois de ver os presentes autos seguidos neste xulgado co número 67/2013, en que figuran como partes, dun lado, como demandante, Mutua Gallega de Accidentes de Trabajo, representada polo letrado Sr. Torrado Oubiña, e doutro, como demandadas, o INSS e a TXSS, representados pola letrada Sra. Suárez Herva; Mutua Fremap, representada pola letrada Sra. Gómez Lage; Montajes Guadiana, S.A. e Escayolas y Decoraciones Lanzarote, S.L., e David José Arbelo Delgado, que non comparecen, sobre incapacidade permanente, pronunciou en nome do rei a seguinte sentenza:

Decisión.

Desestímase a demanda formulada por Mutua Gallega de Accidentes de Trabajo fronte ao INSS, TXSS, Mutua Fremap, Daniel José Arbelo Delgado, Escayolas y Decoraciones Lanzarote, S.L. e Montajes Guadiana, S.A. e, en consecuencia, absólvense as partes demandadas das pretensións contra elas formuladas.

Notifíqueselles a presente resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución; abondará a manifestación da parte ou do seu avogado ou representante dentro do indicado prazo.

Advírtaselle ao recorrente que non fose traballador ou beneficiario do réxime público de Seguridade Social, ou habentecausa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social na conta aberta na entidade Banesto, a nome deste xulgado, acreditándoo mediante a presentación do xustificante de ingreso no período comprendido ata a formalización do recurso, así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade no cal se faga constar a responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso no momento de anuncialo.

Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.

Así, por esta a miña sentenza, pronúncioo, mándoo e asínoo.

E para que sirva de notificación en legal forma a David José Arbelo Delgado, expido o presente para a súa inserción no Diario Oficial de Galicia (DOG).

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan autos ou sentenzas, ou cando se trate de emprazamento.

A Coruña, 22 de xullo de 2014

A secretaria xudicial