Despedimento obxectivo individual 386/2014.
Sobre: despedimento.
Demandante: María Concepción Baluja Séndez.
Avogada: Marisol Romero Salgado.
Demandado: Central de Contratación Electrónica, S.L., Fogasa.
Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de despedimento obxectivo individual 386/2014 deste xulgado do social, seguido por instancia de María Concepción Baluja Séndez contra Central de Contratación Electrónica, S.L.U., se ditou a seguinte resolución:
«Estímase integramente a demanda interposta por María Concepción Baluja Séndez fronte á mercantil Central de Contratación Electrónica, S.L.U. e, en consecuencia:
1. Declaro improcedente o despedimento efectuado pola mercantil con efectos de 10.4.2014.
2. Declaro extinguida no día de hoxe (8.7.2014) a relación laboral existente entre María Concepción Baluja Séndez e a mercantil Central de Contratación Electrónica, S.L.U.
3. Condeno a empresa Central de Contratación Electrónica, S.L.U. a aboarlle á parte demandante a cantidade de 2.849,44 euros en concepto de indemnización.
Non procede condenar nesta instancia o Fogasa, sen prexuízo da súa responsabilidade nos termos do artigo 33 do ET.
Notifíqueselles esta resolución ás partes, facéndolles saber que contra esta cabe recurso de suplicación anta a Sala do Social do Tribunal Superior de Xustiza de Galicia, que se interporá ante este xulgado no prazo de cinco días hábiles contados a partir do seguinte da presente notificación segundo prevén o artigo 189 da Lei de procedemento laboral.
Así o acordo, mando e asino, Mª del Carmen Barcala Barreiro, maxistrada xuíza substituta do Xulgado do Social número 3 de Santiago de Compostela».
E para que lle sirva de notificación en legal forma a Central de Contratación Electrónica, S.L.U., en ignorado paradoiro, expido o presente para a súa inserción no Diario Oficial de Galicia e no taboleiro de anuncios deste xulgado.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 16 de xullo de 2014
A secretaria xudicial