María Jesús Prieto Toranzo, secretaria da Sección Primeira da Audiencia Provincial de Pontevedra, certifico que neste órgano xudicial se tramita recurso de apelación (LECN) 104/2014, por instancia de María Cristina Bouzas Lopo, nos cales se ditou sentenza con data do 15.4.2014, do teor literal seguinte:
«Maxistrados:
Francisco Javier Menéndez Estébanez.
Manuel Almenar Belenguer.
María Begoña Rodríguez González.
Auto número 81.
Pontevedra, quince de abril de dous mil catorce.
Vista a peza de apelación seguida co número 104/2014, dimanante dos autos de execución de títulos non xudiciais incoados co número 36/13, polo Xulgado de Primeira Instancia número 3 de Pontevedra, sendo apelante a parte executada María Cristina Bouzas Lopo, representada pola procuradora Sra. Sanjuán Fernández e asistida polo letrado Sr. Calvar Carballo, e apelada a parte executante Banco Santander, S.A., representado pola procuradora Sra. Torres Álvarez e asistida polo letrado Sr. Soto Cano. É relator o maxistrado Manuel Almenar Belenguer.
Seguen antecedentes de feitos e razoamentos xurídicos.
A Sala acorda:
Que debemos aceptar e aceptamos parcialmente o recurso de apelación interposto por María Cristina Bouzas Lopo, representada pola procuradora Sra. Sanjuán Fernández, contra o auto ditado o 26 de novembro de 2013, polo Xulgado de Primeira Instancia número 3 de Pontevedra, e, na súa consecuencia, debemos revogar e revogamos a dita resolución no sentido de declarar a nulidade da cláusula de fixación de xuros de demora ordenamos seguir adiante a execución despachada pola cantidade reclamada en concepto de principal e xuros remuneratorios, para o cal previamente a entidade executante procederá a recalcular a suma excluíndo os xuros de demora.
Cada parte deberá asumir o pagamento das custas percibidas pola súa actuación en ambas as dúas instancias.
Así o acorda a Sala e pronúnciano, mándano e asínano os maxistrados expresados á marxe. Dou fe».
Seguen as rúbricas. Certifico.
O inserido concorda ben e fielmente co seu orixinal ao cal me remito en caso necesario; e para que así conste e lle sirva de notificación a Waldinar Fortes Marques, expido e asino este edicto.
Pontevedra, 15 de abril de 2014
A secretaria xudicial