Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 921/2011 deste xulgado do social, seguido por instancia de Vanesa Varela Gómez contra Servicur Servicios Auxiliares, S.L., UTE Langosteira e Fogasa sobre ordinario, se ditou a seguinte resolución:

«Decisión:

1º. Que estimando a demanda formulada por Vanesa Varela Gómez contra as empresas Servicur Servicios Auxiliares, S.L., Coruña, condeno a esta a lle aboar á parte demandante a cantidade de 2.428,20 euros en concepto de indemnización.

2º. O Fogasa deberase ater a esta resolución nos termos do artigo 23 LPL e do artigo 33 do ET.

Notifíquese esta sentenza ás partes, advertindo que contra esta resolución non cabe recurso de suplicación por razón da materia ou contía, sen prexuízo do que poida caber polos motivos recollidos no artigo 191.3.b), d) ou e) da Lei reguladora da xurisdición social, no caso de concorreren os supostos previstos en tales preceptos, que deberá ser anunciado ante este xulgado no prazo dos cinco días seguintes ao da notificación desta resolución, na forma prevista no artigo 194 e concordantes da Lei reguladora da xurisdición social, e co cumprimento das obrigas de depósito, consignación e aseguramento previstas nos artigos 229 e seguintes da Lei reguladora da xurisdición social.

Así, por esta miña sentenza, pronúncioo, mándoo e asínoo.

Publicación. A anterior sentenza leuna e publicouna o maxistrado que a ditou, en audiencia pública do día da data, do que dou fe».

E para que sirva de notificación en legal forma a Servicur Servicios Auxiliares, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 7 de xullo de 2014

O secretario xudicial