Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de execución de títulos xudiciais número 197/2012 deste xulgado do Social, seguido por instancia de Raquel Fernández Gago contra a empresa José Ángel Silva González sobre reclamación de cantidade, ditouse decreto con data do 1 de xullo de 2014, cuxa parte dispositiva é do teor literal seguinte:

Parte dispositiva do decreto:

«Parte dispositiva.

Acordo: reaperturar a presente execución por ingresarse na conta deste xulgado, a suma de 19,62 euros, como consecuencia do embargo trabado sobre as devolucións tributarias pendentes de aboar a José Ángel Silva González, e expedir o oportuno mandamento a favor da executante pola referida suma, téndose por reducido o principal.

Ratifícase a insolvencia provisional decretada por Resolución do 15 de abril de 2013 de José Ángel Silva González, rectificando a cantidade pola que se declara, dado que na actualidade debe, 1.499,16 euros de principal, máis 117,75 euros en concepto de xuros de demora, máis 163,69 euros por provisionalmente órzanse para xuros, gastos e custas, sendo esta parcial e non total.

Publíquese a insolvencia no DOG, ao ser unha persoa física, e igualmente notifíqueselle o presente decreto polo mesmo medio.

Verificado o anterior, devólvase ao arquivo, logo de nota no libro correspondente.

Notifíqueselles ás partes, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin fornecerán plenos efectos e as notificacións neles tentadas sen efecto serán válidas mentres non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.

Modo de impugnación: mediante recurso de reposición a interpoñer ante quen dita esta resolución, no prazo de tres días hábiles seguintes á súa notificación con expresión da infracción que a xuízo do recorrente contén esta, sen que a interposición do recurso teña efectos suspensivos con respecto da resolución recorrida.

A secretaria xudicial».

Advírtese ao destinatario que as seguintes comunicacións faranse fixando copia da resolución ou da cédula no taboleiro de anuncios da oficina xudicial.

E para que sirva de notificación a José Ángel Silva González, expido o presente edicto.

Santiago de Compostela, 1 de xullo de 2014

A secretaria xudicial