Unha vez aprobado inicialmente, por Acordo do Pleno do día 26 de xuño de 2014, o Plan xeral de ordenación municipal, de acordo co artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de dous meses no Diario Oficial de Galicia e en dous xornais de maior difusión da provincia.
Para estes efectos, o período de información pública rematará transcorridos os dous meses desde o día seguinte ao da publicación do anuncio no Diario Oficial de Galicia.
Durante ese prazo, calquera interesado poderá examinalo nas dependencias municipais para formular as alegacións que considere pertinentes ou para obter copias.
Quedan suspendidas as licenzas para as seguintes áreas:
Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente.
A duración da suspensión extinguirase coa aprobación definitiva do planeamento e terá unha duración máxima de dous anos. As ditas áreas afectadas pola suspensión son as seguintes:
3.1. En solo rústico poderán concederse licenzas sempre cos correspondentes informes sectoriais e con autorización autonómica.
3.2. En solo de núcleo rural poderán concederse licenzas naqueles ámbitos dos núcleos delimitados polo plan xeral que coincidan cos núcleos rurais que figuran no planeamento vixente, cuxa listaxe indícase no cadro seguinte, e sempre coa parcela mínima de maior dimensión das establecidas polos dous planeamentos e cumprindo as condicións de edificación previstas nos dous planeamentos:
Pántaras |
Moreira |
Carracedo |
Braña |
Xestoso de Palfito Carballido Gromaz Torviso Vilar Cereixido Santa Xuiá Souto Castro-Cuíñas Fumaior Barbeitos Freixo Vilarchao Vilarmeán Lamas de Moreira |
Seoane Vilabol de Abaixo Viladriz Sendiña Castañoso Liñares Maderne Silvachá Monteseiro Xestoso de Calvos Mazaeda Peizais Mourisco Pacios Teixeira |
Padrón Vilardongo Chaín Paradavella Airexa (Piñeira) A Pobra de Burón San Pedro de Río Llencias Rozabragada San Martín de Suarna Vilagocende Labeada Outanais Arquide Vilamaior |
Liñares de Vilafurada Louteiro Veiga de Logares San Mamede Vilaframil Liñares de Bidul Vilar de Cuíña Estoupelo Xegunde Sancedo Vilabol |
3.3. Planeamento de desenvolvemento. Suspéndese todo tipo de planeamento de desenvolvemento: solos urbanizables ou solos urbanos non consolidados.
3.4. En solo urbano estarán afectados pola suspensión de licenzas todos os ámbitos en que existe incompatibilidade entre o plan en tramitación e as normas subsidiarias; son aquelas zonas de solo urbano que aparecen en branco no plano adxunto.
3.5. No ámbito do Plan especial de protección será de aplicación o réxime transitorio que o propio plan xeral propón; mentres non sexa aprobado o plan especial, a concesión de licenzas non se suspende, pero estará sempre supeditada ao informe favorable da Administración autonómica en materia de protección do patrimonio.
3.6. Nos ámbitos sinalados con trama amarela no plano adxunto será posible a concesión de licenzas sempre e cando se cumpran os requisitos establecidos nos dous planeamentos.
Exponse ao público polo mesmo período o convenio de colaboración subscrito entre a Deputación Provincial de Lugo, Suplusa e o Concello para a construción dunha área industrial na Fonsagrada.
A Fonsagrada, 30 de xuño de 2014
Argelio Fernández Queipo
Alcalde