A Dirección Xeral da Función Pública recibiu da Sala do Xulgado do Contencioso-Administrativo número 1 de Santiago de Compostela providencia pola que se admite a trámite o recurso contencioso-administrativo P.A. 159/2014, interposto por Fernando Rodríguez Espasandín e Laura Rodríguez Espasandín, contra as resolucións da Dirección Xeral da Función Pública do 17 de decembro polas que se lles inadmiten os recursos de reposición contra a Resolución do 31 de outubro de 2013 pola que se ordena a publicación do acordo do Consello da Xunta de Galicia polo que se aproba a relación de postos de traballo da Axencia Galega de Innovación.
En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos do Xulgado do Contencioso-Administrativo número 1 de Santiago de Compostela no prazo de nove días, contados desde o seguinte ao da publicación desta resolución no Diario Oficial de Galicia.
Santiago de Compostela, 10 de xuño de 2014
José María Barreiro Díaz
Director xeral da Función Pública