Violeta Reboredo Otero, secretaria xudicial do Xulgado de Primeira Instancia e Instrución número 1 de Ribeira, polo presente anuncio:
No presente procedemento de medidas paterno filiais seguido pora instancia de Sandra María Groba Santamaría fronte a Tomás Queiruga Calo ditouse sentenza o 15 de abril e auto de aclaración o 6 de maio, cuxo encabezamento e parte dispositiva son do teor literal seguinte:
Sentenza.
En Ribeira o 15 de abril de 2014.
Vistos por Mª de las Nieves Corral Montes, xuíza do Xulgado número 1 de Ribeira e o seu partido xudicial, os autos correspondentes ao procedemento de medidas paterno filiais nº 241/2013 promovidos pola procuradora Sra. Pariente Pouso, en nome e representación de Sandra Mª Groba Santamaría, e asistida pola letrada Sra. Calvo Eiras e coa intervención do Ministerio Fiscal na persoa de Cristina Margalet, en representación dos intereses dos fillos menores.
Decido que, estimando parcialmente a demanda interposta por Sandra Mª Groba Santamaría, se acorda:
1º. Atribución da garda e custodia á nai.
2º. En materia de pensión de alimentos fíxase no 30 % do salario do demandado cando se poida acreditar a contía deste.
3º. Non se acorda establecer ningún réxime de visitas.
Non hai condena en custas.
Contra esta sentenza poderase interpoñer, ante este xulgado, recurso de apelación ante a Audiencia Provincial da Coruña.
Auto.
Xuíza/maxistrada xuíza.
Nieves Corral Montes.
En Ribeira o seis de maio de dous mil catorce.
Parte dispositiva.
Acordo a aclaración solicitada da resolución recaída no procedemento de medidas paterno filiais nº 241/2013, debendo completarse o fundamento de dereito segundo no sentido seguinte:
«Dada a natureza da pensión por alimentos que constitúe un deber ineludible de cada proxenitor, os menores non poden quedar sen a axeitada percepción de sustento, polo tanto, procede fixar unha contía mínima de 150 euros en concepto de alimentos que debe atender o demandado no caso de que non perciba salario e si perciba algunha axuda, subsidio ou pensión».
Notifíquese esta resolución ás partes.
E encontrándose o devandito demandado Tomás Queiruga Calo, en paradoiro descoñecido, expídese o presente co fin de que sirva de notificación en forma a este.
Ribeira, 21 de maio de 2014
A secretaria xudicial