Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: A Batundeira, 2, 32960 Velle, Ourense.
Denominación: recuamento provisional na r/ Peregrino.
Situación: concello de Sarria.
Características técnicas:
– LMTA illada trenzada con orixe nun paso aéreo a soterrado situado nun apoio proxectado tipo FL-CH-11P/2500 e final nun paso aéreo a soterrado situado nun apoio proxectado tipo FL-HVH-12/2500, cunha lonxitude de 49 metros en condutor tipo RS 12/20 3×150 mm2.
– LMTS en r/ Peregrino, con orixe na LMTS a CT Peregrino, 31 (27CS61) e final na LMTS a CT Benigno Quiroga, 23 (27SQ10), cunha lonxitude de 57 metros en condutor RHZ1 12/20 KV 3×240 mm2.
Cumpridos os trámites ordenados na Lei 24/2013, do 26 de decembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 26 de maio de 2014
José Manuel Vázquez Leirado
Xefe territorial de Lugo