1. O pleno do Concello da Laracha, en sesión extraordinaria do 11 de marzo de 2014, adoptou, entre outros, o seguinte acordo:
Primeiro. Aprobar definitivamente o estudo de detalle para a ordenación de volumes nas parcelas 11 e 12 da área de repartición AR-S2 Cancelo do Medio, redactado polo arquitecto Alfonso Suárez Alvite por instancia de Francisco Javier Losada López e Maira Suárez Cotelo, unha vez cumprida a condición imposta na aprobación inicial de xustificación do cumprimento da normativa de accesibilidade antes da aprobación definitiva (rexistro de entrada nº 755, do 21 de febreiro de 2014).
Segundo. Publicar o acordo no Diario Oficial de Galicia e o articulado das normas do estudo de detalle, así como o acordo correspondente, no Boletín Oficial da provincia; non entrando en vigor ata que se publique completamente o seu texto e transcorra o prazo previsto no artigo 65.2 da Lei 7/1985, do 2 abril, reguladora das bases do réxime local.
Terceiro. Ordenar ao secretario da Corporación que dilixencie os planos e documentos aprobados definitivamente.
Cuarto. Comunicar a aprobación definitiva á Consellería de Medio Ambiente, Territorio e Infraestruturas, á vez que se lle dará traslado dunha copia autenticada de dous exemplares do instrumento aprobado definitivamente con todos os planos e documentos que integran o estudo de detalle.
2. De acordo co sinalado no artigo 92.2 da Lei 9/2002, do 30 de decembro, de ordenación urbanística e protección do medio rural de Galicia, publicouse no BOP número 71, do día 14 de abril de 2014, o texto dos documentos que o integran e os planos de ordenación.
3. En cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, o acto de aprobación definitiva do citado estudo de detalle foi comunicado á Consellería de Medio Ambiente, Territorio e Infraestruturas o día 19 de maio de 2014.
A Laracha, 19 de maio de 2014
José Manuel López Varela
Alcalde