María Teresa Vázquez Abades, secretaria xudicial do Xulgado do Social número 1 de Santiago de Compostela, fai saber que no procedemento despedimento/cesamentos en xeral 1047/2013 deste xulgado do social, seguidos por instancia de Ana María Picanes Mosquera contra Studios Middelburg, S.L., Duna Playa, S.A., Elmasan CRT, S.L., Diego Miguel García González, se ditou sentenza cuxo decisión di literalmente:

«Que estimando as demandas interpostas por instancia de Ana María Picanes Mosquera, asistida da letrado Sra. Erviti Álvarez; contra Studios Middelburg, Diego Miguel García González, Elmasan CRT, Duna Playa, S.A., debo declarar e declaro extinguida a data da presente resolución a relación laboral existente entre o demandante e as demandadas por incumprimento contractual grave imputable á demandada, e debo declarar e declaro improcedente o despedimento do demandante efectuado polas demandadas con data de efectos o 31 de xaneiro con declaración de extinción, así mesmo, da relación laboral polo dito despedimento por non ser realizable a readmisión (ao declarar xa extinguida a relación laboral), e debo condenar e condeno solidariamente as entidades demandadas a que lle aboen á demandante a suma de 15.821,79 euros en concepto de salarios que se deben, máis os xuros previstos no artigo 29.3 do ET sobre a dita cantidade, e a suma de 35.065,54 euros en concepto de indemnización pola extinción da relación contractual na data da presente resolución.

Notifíqueselles ás partes a presente resolución e fágaselles saber que fronte a ela poderán interpoñer recurso de suplicación para ante a Sala do Social do Tribunal Superior de Xustiza de Galicia, no prazo de cinco días contados desde o seguinte ao da súa notificación».

E para que sirva de notificación en legal forma a Diego Miguel García González, expido o presente edicto para a súa inserción no Diario Oficial de Galicia.

Santiago de Compostela, 21 de maio de 2014

A secretaria xudicial