Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 315/2012 deste xulgado do social, seguido por instancia de Tania Meijueiro Calvelo contra Xestión e Desenvolvemento de Suelo Galego, S.L., Fogasa, sobre ordinario, se ditou a seguinte resolución:

«Decisión.

1º. Que considerando a demanda formulada por Tania Meijueiro Calvelo contra a empresa Xestión e Desenvolvemento de Suelo Galego, S.L., condeno esta a aboarlle a cantidade de 1.669,24 euros e 166,92 euros en concepto de xuros moratorios ata a presente resolución.

2º. O Fogasa deberá pasar pola presente resolución nos termos do artigo 26.3, inciso primeiro da LRXS.

Notifíqueselles ás partes e advírtase que contra a presente resolución non cabe recurso de suplicación por razón da materia ou contía, sen prexuízo do que puider caber polos motivos recollidos no artigo 191.3.b), d) ou e) da LRXS, no caso de concorreren os supostos previstos en tales preceptos, que deberá ser anunciado ante este xulgado no prazo de cinco días seguintes á notificación da presente resolución na forma prevista no artigo 194 e concordantes da LRXS, e co cumprimento das obrigas de depósito, consignación ou aseguramento previstas nos artigo 229 e seguintes da LRXS.

Así, por esta sentenza, o pronuncio, mando e asino.

Publicación. Lida e publicada foi a anterior sentenza polo maxistrado que a ditou, encontrándose realizando audiencia pública no día da data, do cal dou fe».

E para que sirva de notificación en legal forma a Xestión e Desenvolvemento de Suelo Galego, S.L., expido o presente para a súa inserción no Diario Oficial de Galicia.

Advírteselles ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 19 de maio de 2014

O secretario xudicial