Por Resolución ditada o 9 de maio de 2014, a Xerencia da Universidade procedeu á estimación parcial dun recurso de reposición interposto o 20.2.2014 (número Rexistro de Entrada 1046), contra as bases que rexen a convocatoria do precitado concurso de méritos. En concreto, foi obxecto de impugnación a base 1.4.2, relativa á valoración da titulación académica que posúen os participantes, alegando discrecionalidade na forma de actuar da Administración, así como ter incorrido en discriminación pola distinta valoración que se lle outorgaba á licenciatura (4 puntos) fronte ao grao (3,5 puntos).
A dita resolución dispón a estimación parcial do recurso no tocante á segunda alegación «co efecto de equiparar a valoración da titulación académica de licenciado e graduado, aos cales lles corresponderá, de acreditaren a dita circunstancia, 4 puntos».
En consecuencia, modifícase a redacción orixinal da base terceira, punto 1.4.2, relativa á titulación académica, que queda redactada como segue:
|
Titulacións: |
Máximo: 5 |
|
Doutor |
5 |
|
Máster oficial (2º e sucesivos: 10 % do primeiro) |
1º = 0,5 adicional |
|
Licenciado/Grao |
4 |
|
Diplomatura |
3 |
|
Ciclo superior de FP |
2,5 |
|
Bacharelato |
2 |
|
Ciclo medio de FP |
|
|
Graduado escolar |
1 |
|
Segundas e sucesivas titulacións universitarias: |
10 % do valor da 1ª equivalente no nivel de estudos |
Esta modificación das bases, ao carecer de carácter substancial, non reabre o prazo de presentación de solicitudes.
Contra a resolución pola que se modifican as bases poderá interpoñerse recurso contencioso-administrativo no prazo de dous meses, contados a partir do día seguinte ao desta publicación no Diario Oficial de Galicia.
A Coruña, 19 de maio de 2014
P.D. (Resolución reitoral do 16.1.2012; DOG do 13 de febreiro)
Juan Manuel Díaz Villoslada
Xerente da Universidade da Coruña