Marta Yanguas del Valle, secretaria xudicial de reforzo do Xulgado do Social número 4 da Coruña, fago saber que no procedemento despedimento/cesamentos en xeral 1058/2013 deste xulgado do social, seguido por instancia de Josefa Castelo Loures contra a empresa Muebles Aries A Grela, S.L., Fogasa sobre despedimento, se ditou a sentenza cuxo encabezamento e parte dispositiva son como segue:

«Sentenza 153/2014.

Xuíz: Javier López Cotelo.

Procedemento: despedimento 1058/2013.

Demandante: Josefa Castelo Loures.

Letrado: Sra. Vázquez Dourado.

Demandado: Muebles Aries A Grela, S.L.

Letrado:

Fogasa.

Letrado:

A Coruña, 14 de abril de 2014.

Resolución:

1º. Estimo a demanda sobre despedimento formulada por Josefa Castelo Loures contra a empresa Muebles Aries A Grela, S.L. e, en consecuencia, declaro a improcedencia do despedimento e condeno a demandada a que readmita inmediatamente a traballadora nas mesmas condicións que rexían antes de se producir o despedimento, ou, a elección da empresa, á extinción da relación laboral con aboamento da indemnización detallada no número segundo desta resolución. Todo isto con aboamento, no caso de opción pola readmisión, dos salarios de tramitación que non percibise ata a notificación desta sentenza.

Esta opción deberase exercer en 5 días a partir da notificación desta sentenza, mediante escrito ou comparecencia ante este xulgado. Transcorrido este termo sen que se optase, entenderase que procede a readmisión.

2º. A indemnización e os salarios de tramitación que deberá aboar a empresa demandada, segundo o disposto no número anterior, son os seguintes:

En concepto de indemnización, e de optar a empresa por ela: a cantidade de 4.467,55 euros.

– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación desta sentenza, calculados a razón de 52,57 euros/día.

3º. Estimo a pretensión sobre reclamación de cantidade formulada por Josefa Castelo Loures fronte á empresa Muebles Aries A Grela, S.L. e, en consecuencia, condeno a esta última a lle aboar á primeira a suma de 7.096 euros en concepto de salarios devindicados e non satisfeitos.

4º. O Fogasa haberá de pasar polo resolto na presente resolución.

Inscríbase esta resolución no libro de sentenzas e déixese testemuño dela neste procedemento.

Notifíquese esta sentenza ás partes e advírtase de que contra ela se poderá interpor recurso de suplicación ante o Tribunal Superior de Xustiza de Galicia, que se deberá anunciar neste xulgado no prazo dos cinco días seguintes ao da notificación desta resolución, por comparecencia ou mediante escrito, pasados os cales se declarará firme e se arquivará.

Advírtase igualmente o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.

Así o pronuncio, mando e asino. Javier López Cotelo, xuíz de reforzo do Xulgado do Social da Coruña. Asinado.

Publicada no día da súa data. Marta Yanguas del Valle, asinado».

E para que conste e sirva de notificación a Muebles Aries A Grela, S.L., en ignorado paradoiro, expídese esta cédula para a súa publicación no Diario Oficial de Galicia e colocación no taboleiro de anuncios.

A Coruña, 25 de abril de 2014

A secretaria xudicial