O artigo 20 da Lei orgánica 15/1999, do 13 de decembro, de protección de datos de carácter persoal, establece que a creación, modificación ou supresión dos ficheiros das administracións públicas só poderán facerse por medio de disposición xeral publicada no Boletín Oficial del Estado ou diario oficial correspondente.

A entrada en vigor do Regulamento de desenvolvemento da Lei orgánica 15/1999, do 13 de decembro, de protección de datos de carácter persoal, aprobado mediante o Real decreto 1720/2007, do 21 de decembro, introduciu, a través dos artigos 53 e 54, algunhas novidades en canto á forma e contido da disposición, destacando a necesidade de especificar o sistema de tratamento do ficheiro, que poderá ser automatizado, non automatizado ou parcialmente automatizado.

No exercicio das competencias que teño atribuídas, e co fin de cumprir o establecido no artigo 20 da devandita lei, así como no artigo 52 do seu regulamento de desenvolvemento,

dispoño:

Primeiro. Os ficheiros da Federación Galega de Tiro con Arco serán os contidos nos anexos deste acordo.

Segundo. Créanse os ficheiros incluidos no anexo I deste acordo, en cumprimento do artigo 20 da Lei orgánica 15/1999 e do artigo 54.1 do regulamento de desenvolvemento.

Tercero. Os ficheiros que se recollen no anexo deste acordo, rexeranse polas disposicións xerais e instrucións que se detallen para cada un deles, e estarán sometidos, en todo caso, ás normas legais e regulamentarias de superior rango que lles sexan aplicables.

Cuarto. En cumprimento do artigo 55 do Regulamento de desenvolvemento da Lei 15/1999, os ficheiros serán notificados para a súa inscrición no Rexistro Xeral de Protección de Datos no prazo de trinta días desde a publicación deste acordo no boletín oficial da comunidade autónoma.

Quinto. O presente acordo entrará en vigor o día seguinte da súa publicación no Diario Oficial de Galicia.

Ferrol, 26 de decembro de 2013

Ignacio Cascón Salgado
Secretario da Federación Galega de Tiro con Arco

ANEXO I
Ficheiros de nova creación

Ficheiro: Federados

a) Identificación do ficheiro, indicando a súa denominación, así como a descrición da súa finalidade e usos previstos.

a.1) Identificación do ficheiro: Federados.

a.2) Finalidade e usos previstos: xestión de datos persoais coa finalidade de tramitar licenzas federativas, efectuar comunicacións aos federados, organizar eventos, coordinar actuacións coa Federación Española e coa Administración autonómica e desenvolver o cumprimento de todas as funcións que a lei e os estatutos da propia Federación Galega de Tiro con Arco lle confiren a esta entidade, dentro dos seguintes ámbitos:

– Facenda e xestión económico-financeira:

– Xestión tributaria e de recadación.

– Xestión económica e contable.

– Xestión fiscal.

– Educación e cultura: deportes.

– Finalidades varias:

– Procedementos administrativos.

– Rexistro de entrada e saída de documentos.

– Outros rexistros administrativos.

– Concesión e xestión de permisos, licenzas e autorizacións.

– Xestión sancionadora.

– Xestión de estatísticas internas.

– Prestación de servizos de certificación.

– Outras finalidades relacionadas cos fins da federación.

b) Orixe dos datos, indicando o colectivo de persoas sobre o cal se pretende obter datos de carácter persoal ou que resulten obrigados a subministralos, o procedemento de recolla dos datos, e a súa procedencia:

b.1) Colectivo: provedores, asociados ou membros, representantes legais, persoas de contacto, solicitantes, beneficiarios.

Persoas físicas e xurídicas que compoñen os diversos estamentos que se integran na Federación Galega de Tiro con Arco (conforme o artigo 7 dos seus estamentos):

a) Arqueiros.

b) Entidades deportivas (clubs, seccións deportivas e agrupacións deportivas escolares) inscritas no Rexistro de Entidades Deportivas de Galicia.

c) Técnicos, monitores e adestradores.

d) Xuíces-árbitros.

Por outra parte, tamén se recadarán os datos de terceiras persoas coas cales se manteñen relacións comerciais (subministradores de material deportivo, conferenciantes, etc.).

b.2) Procedencia (o propio interesado ou o seu representante legal):

Dos propios interesados cando solicitan a concesión da correspondente licenza á Federación Galega de Tiro con Arco (FGTA) ou de terceiras persoas cando facturan á FGTA.

Procedemento de recolla: formulario de solicitude de licenza e anexos.

c) Estrutura básica do ficheiro e sistema de tratamento empregado na súa organización.

c.1) Estrutura:

– Datos identificativos: NIF/DNI, nome e apelidos, enderezo, teléfono, sinatura, sexo, data de nacemento e club de pertenza.

– Datos relativos á comisión de infraccións: infraccións administrativas.

Norma que permite o seu tratamento: o artigo 65.4 dos estatutos da Federación Galega de Tiro con Arco (FGTA) establece a existencia dun libro de rexistro de sancións para os efectos de detectar a reincidencia e computar a prescrición das infraccións cometidas e as sancións impostas.

– Outras categorías de carácter persoal:

Datos de características persoais: data de nacemento, idade e sexo.

Datos de circunstancias sociais: pertenza a clubs, asociacións, licenzas, permisos e autorizacións.

c.2) Sistema de tratamento: ficheiro parcialmente automatizado.

d) Comunicacións dos datos previstas (existe consentimento dos afectados):

Á Federación Española de Tiro con Arco, á Dirección Xeral para o Deporte da Xunta de Galicia e á aseguradora da FGTA (responsabilidade civil e accidentes).

e) Transferencias internacionais previstas a terceiros países:

Non se realizan ou non están previstos tratamentos de datos fóra do territorio do Espazo Económico Europeo.

f) Órganos responsables do ficheiro:

Federación Galega de Tiro con Arco.

g) Servizos ou unidades ante os que se poidan exercer os dereitos de acceso, rectificación, cancelación e oposición:

Secretario da Federación Galega de Tiro con Arco.

Casa do Deporte, avda. Castelao, s/n, 15406 Ferrol (A Coruña).

h) Nivel de medidas de seguridade: nivel medio.