Notifícase, de conformidade co establecido nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, á empresa que a continuación se relaciona, ao non podérselle notificar por correo certificado, a resolución ditada no expediente de sanción, por infraccións na orde social (materia laboral). O seu enderezo, número de expediente, contía da sanción e disposición infrinxida cítanse a seguir:
Empresa: Ciudad Muralla, S.L.
Domicilio: A Meda, 1, 27320 Quiroga (Lugo).
NIF: B27431105.
Nº expediente: 41/2013.
Contía: 1.250 euros.
Disposición infrinxida: artigo 14.1) da Lei 42/1997, do 14 de novembro, ordenadora da inspección de traballo e seguridade social, infracción tipificada como grave no artigo 50.2) do Real decreto lexislativo 5/2000, do 4 de agosto, de infraccións e sancións na orde social.
Contra estas resolucións poderá interpor o interesado recurso de alzada, polo conduto desta xefatura territorial perante o director xeral de Traballo e Economía Social no prazo dun mes, contado desde o día seguinte ao da súa notificación.
Advírteselle que, de non ser iniciado este en tempo e forma, deberá de aboar a multa imposta a través de Caixa Galicia, conta contable 840, código 001, clave 390055, dentro do prazo dun mes contado desde o día seguinte ao da notificación desta resolución xa que, noutro caso, se procederá á execución pola vía de constrinximento, nos termos previstos na Orde da Consellería de Economía e Facenda do 23 de novembro de 2001.
Lugo, 17 de marzo de 2014
Alberto Linares Fernández
Xefe territorial de Lugo