De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada parcialmente pola Lei 4/1999, do 13 de xaneiro, notifícaselle a Pizarras La Encina, S.L., con último enderezo coñecido en avda. Gómez Núñez, 12, 4º A, 24400 Ponferrada (León), as resolucións de denegación das solicitudes de concesións derivadas de permiso de investigación La Encina fracción primera, nº 5539.1, La Encina fracción segunda, nº 5539.2, e La Encina fracción cuarta, nº 5539.4, e a resolución pola que se desestima a solicitude de transmisión do permiso de investigación La Encina nº 5539, desta provincia, xa que intentada a notificación polos medios legalmente establecidos non se puido efectuar.
Contra estas resolucións o interesado poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses ou recurso potestativo de reposición ante o conselleiro de Economía e Industria, no prazo dun mes, contados a partir do seguinte ao da publicación desta cédula, sen prexuízo de calquera outro recurso que coiden pertinente ao seu dereito.
Lugo, 21 de marzo de 2014
P.S.L. (Decreto 110/2013, do 4 xullo)
María Aurora Belén Miragaya Sánchez
Xefa do Servizo de Enerxía e Minas