Sarai Paniagua Acera, secretaria xudicial do Xulgado de Primeira Instancia número 5 de Vigo, certifico que no presente procedemento de divorcio 247/2012, se ditou a seguinte resolución do tenor literal seguinte:

«Sentenza nº 76.

Vigo, 14 de febreiro de 2014.

Mª Isabel Benito Sánchez, xuíza substituta do Xulgado de Primera Instancia número 5 de Santiago de Compostela viu os autos seguidos neste xulgado baixo nº 247/2012, sobre disolución de matrimonio por divorcio, actuando como demandante Paula Costas Comesaña, representada pola procuradora Sra. Pérez González, baixo a dirección do letrado Sr. Martínez González, contra Tarquin Robert Simon Etherington, declarado en situación de rebeldía procesual e coa intervención do Ministerio Fiscal, sobre a base dos seguintes.

(Seguen antecedentes de feito e fundamentos de dereito).

Decido.

Estimando como estimo integramente a demanda interposta pola procuradora Sra. Pérez González, en nome e representación de Paula Costas Comesaña, fronte a Tarquin Robert Simon Etherington, declaro disolto, por divorcio, o matrimonio formado polos referidos cónxuxes, celebrado en Vigo, o día 2 de xuño de 2007, con todos os efectos legais inherentes á devandita declaración, sen facer especial pronunciamento en canto ás custas deste xuízo.

Acordo as seguintes medidas definitivas:

Primeira. Atribúese á esposa a garda e custodia do fillo, sendo compartida a patria potestade.

Segunda. O uso do domicilio familiar, atribúese á esposa.

Terceira. O esposo deberá aboar, en concepto de pensión de alimentos para o seu fillo, a suma de 200 euros mensuais, que haberá de ingresar, con carácter anticipado e dentro dos cinco primeiros días de cada mes, na conta que para o efecto indique a esposa, cantidade que se actualizará anualmente, cada mes de marzo, conforme as variacións que experimente o IPC.

Ambos os dous esposos aboarán por metade os gastos extraordinarios do menor, entendéndose por tales, en especial, os médicos e farmacéuticos extraordinarios non cubertos pola Seguridade Social.

Cuarta. Recoñécese a favor do pai, o seguinte réxime de visitas:

a) Fins de semana alternos, desde as 20.00 horas do venres, ata as 20.00 horas do domingo, visitas estas que deberán verificarse na cidade de Vigo.

b) Durante as vacacións de Nadal, o fillo permanecerá con cada un dos esposos un destes dous períodos, de forma alternativa cada ano; comprendendo o primeiro período, desde as 20.00 horas do día 22 de decembro, ata a mesma hora do día 30 de decembro; e o segundo, desde as 20.00 horas do 30 de decembro, ata a mesma hora do 6 de xaneiro. Comezará a nai gozando do primeiro período o primeiro ano.

c) As vacacións de Semana Santa, pasaraas o menor co pai os anos impares e coa nai os pares.

d) Durante as vacacións de verán o fillo permanecerá co pai trinta días das vacacións escolares, logo de acordo das datas polos proxenitores e, en defecto de acordo, o mes de xullo nos anos pares e o mes de agosto nos impares.

e) As entregas e recollidas do menor, para o desenvolvemento das visitas, serán no domicilio materno, sendo de cargo do pai os gastos de desprazamento.

Firme que sexa esta resolución, comuníquese ao Rexistro Civil correspondente, onde consta a inscrición do matrimonio, co fin de que se proceda á súa anotación marxinal, deixándose constancia de tal circunstancia nos autos».

Notifíquese esta resolución ás partes, facéndolles saber que contra esta cabe recurso de Apelación para ante a Audiencia Provincial de Pontevedra, que se interpoñerá ante este xulgado, no prazo de vinte días, a partir da súa notificación.

E para que conste e sirva de notificación a Tarquin Robert Simon Etherintong, en paradoiro descoñecido, expido e asino o presente edicto.

Vigo, 6 de marzo de 2104

A secretaria xudicial