Mediante Orde da Consellería de Facenda do 7 de novembro de 2013 foi autorizado o alleamento, mediante poxa, dun inmoble no concello de Santiago de Compostela.
Logo de publicarse o 9 de xaneiro de 2014 no Diario Oficial de Galicia número 5, e nun xornal de ampla difusión (La Voz de Galicia do mesmo día) o anuncio da Secretaría Xeral Técnica e do Patrimonio de alleamento do citado inmoble, tivo lugar o 19 de febreiro de 2014 a poxa pública anunciada, polo que, á vista das actas da mesa de contratación, de conformidade co disposto no artigo 70 do Decreto 50/1989, polo que se aproba o Regulamento para a execución da Lei do patrimonio da Comunidade Autónoma galega, e tras a proposta da Secretaría Xeral Técnica e do Patrimonio,
DISPOÑO:
Primeiro. Aprobar a seguinte adxudicación:
A Josefa García Seijo, polo prezo de 111.000 euros, o inmoble seguinte:
Predio urbano. Vivenda letra B da primeira planta, pertencente á casa sinalada co número 7-A da rúa dos Concheiros, da cidade de Santiago de Compostela. Inscrito no Rexistro da Propiedade número 1 de Santiago de Compostela co número 32.465, folio 28, libro 360, tomo 1.374. Referencia catastral: 8181422NH3488A0004HP.
Como anexo conta co rocho nº 7, situado na planta baixo cuberta do edificio, equivalente ao 10 % indiviso do pleno dominio desta planta. Inscrito no Rexistro da Propiedade número 1 de Santiago de Compostela co número 32.483-T7, folio 147, libro 361, tomo 1.375.
Segundo. O pagamento do prezo de adxudicación efectuarase segundo o estipulado no artigo 70.3º do Decreto 50/1989, do 9 de marzo, polo que se aproba o Regulamento para a execución da Lei de patrimonio.
Terceiro. A venda formalizarase como corpo certo en escritura pública, e serán por conta da adquirente os custos do seu outorgamento. Os tributos derivados da transmisión serán exixidos conforme o disposto na lexislación tributaria. Así mesmo, quedan a cargo do adxudicatario o pagamento dos custos dos anuncios que se producisen neste procedemento de alleamento.
Cuarto. Contra esta resolución, que pon fin á vía administrativa, poderase interpoñer recurso potestativo de reposición ante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses.
Santiago de Compostela, 24 de febreiro de 2014
P.D. (Orde 9.1.2012; Diario Oficial de Galicia nº 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda