Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio Social: r/ Cidade de Viveiro, 4, 1º, 27002 Lugo.
Denominación: LMTS e CS Xestur, parcela I.51.
Situación: concello de Castro de Rei.
Características técnicas:
– LMTS a 20 kV, con orixe no CTC 11275 polígono Castro Ribeiras de Lea 4 e final no CS Xestur para instalar o solicitante para cesión á compañía distribuidora (non é obxecto deste proxecto), cunha lonxitude de 155 metros en condutor RHZ-150 mm.
– Desprazamento dun tramo da LMTS con orixe no CS Xestur para instalar o solicitante para cesión á compañía distribuidora (non é obxecto deste proxecto) e final na LMTA derivación a CTI (13016) depuradora C. de Lea, cunha lonxitude de 131 metros.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 4 de febreiro de 2014
José Manuel Vázquez Leirado
Xefe territorial de Lugo