Visto que foi aprobado definitivamente polo Pleno da Corporación Municipal, en sesión que tivo lugar o día 30 de decembro de 2013, o proxecto do Plan especial de dotacións nos terreos sitos na rúa Valdarrosa de Ponte Caldelas, faise público que na dita sesión foi adoptado o seguinte acordo:
Primeiro. Aprobar definitivamente o Plan especial de dotacións, coas modificacións introducidas que viñan establecidas no informe da Secretaría Xeral de Ordenación do Territorio e Urbanismo referentes ao plano nº 8.
Segundo. De conformidade co establecido no artigo 98 da Lei de ordenación urbanística e protección do medio rural de Galicia (LOUGA), a aprobación definitiva deste plan especial de dotacións comporta a declaración de utilidade pública e a necesidade de ocupación dos bens e dereitos afectados polo plan aos fins de expropiación ou imposición de servidumes.
Terceiro. Conforme o establecido no artigo 92 da LOUGA, o acordo definitivo de aprobación definitiva publicarase no DOG e o documento que conteña a normativa e as ordenanzas no BOP.
Por outro lado, e tal como está establecido no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, dáse conta tamén neste anuncio de que o citado proxecto foi remitido á Consellería de Medio Ambiente, Territorio e Infraestruturas.
Ponte Caldelas, 27 de xaneiro de 2014
Perfecto Rodríguez Muíños
Alcalde