Carreteiro Motor, S.L. solicitou ante esta alcaldía licenza municipal (nº rexistro entrada 4361, do 31.7.2013), para acondicionamento de local e licenza de actividade de taller de mecánica rápida (pneumáticos, aceite, aliñamento etc.) na avenida de Cangas, nº 14 (categoría 5ª. Usos garaxe-aparcamento e servizo do automóbil).

De acordo co sinalado no artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, mediante anuncio no Diario Oficial de Galicia, Boletín Oficial da provincia e no taboleiro de anuncios do concello, co fin de que nese tempo –que comeza a contar desde o día seguinte ao da última publicación– poidan examinar o expediente no concello as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións oportunas.

Bueu, 2 de decembro de 2013

Félix Juncal Novas
Alcalde