De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello de Madrid á mercantil Medemu, S.A. orde de retirada da embarcación Algami da zona de dominio público portuario do porto de Viveiro, por non ser posible a notificación a través do servizo de Correos nos derradeiros enderezos coñecidos sitos en Ruíz de Alarcón, 27, e Paseo de la Castellana, 153, Madrid.
De acordo co expediente que traslada a Xefatura da Zona Norte de Portos de Galicia que o 1 de agosto de 2013 remitiu orde de retirada da embarcación tamén devolta polo servizo de Correos, a embarcación está desde o 28 de outubro de 2011 de feito e de dereito en situación de abandono, sen actividade, e sen aboarse cantidade ningunha derivada da estancia no porto pese aos reiterados intentos tanto da empresa contratada por Portos de Galicia como posteriormente desta entidade pública.
A presente orde emítea a Dirección de Portos de Galicia ao abeiro das competencias conferidas polo artigo 9.3.a) da Lei 5/1994, do 29 de novembro, de creación de Portos de Galicia, e en aplicación do establecido na regra décimo cuarta de aplicación á tarifa portuaria X-5 –embarcacións deportivas e de lecer– prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía portuarios aprobado pola Orde ministerial do 12 de xuño de 1976.
A retirada da embarcación deberá producirse nun prazo máximo de 15 días contados desde o día seguinte ao da publicación da presente orde no Diario Oficial de Galicia e exposición no taboleiro de edictos do Concello de Madrid.
No caso de incumprimento, Portos de Galicia poderá proceder a efectuar a retirada de maneira subsidiaria e por conta do propietario, trasladando a embarcación a lugar que será oportunamente notificado, e non facéndose responsable de ningún dos danos que poida sufrir a embarcación.
Igualmente, e no caso de incumprimento, darase traslado do expediente á Presidencia de Portos de Galicia para efectos de resolver a incautación da embarcación a favor desta entidade, que neste caso procederá ao seu alleamento e a dar ao importe do remate o destino previsto na normativa de aplicación.
Para o seu exame, o expediente completo atópase nas dependencias dos Servizos Centrais de Portos de Galicia en Área Central, praza de Europa, 5-A, 6º, 15707 Santiago de Compostela.
O presente acto administrativo, que ten eficacia executiva, non esgota a vía administrativa e é susceptible de recurso de alzada, que deberá formularse ante a Presidencia de Portos de Galicia nun prazo máximo dun mes contado desde o día seguinte ao da súa publicación no Diario Oficial de Galicia ou ao da súa exposición no taboleiro de edictos do Concello de Madrid.
E para que conste e lles sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 26 de decembro de 2013
José Ignacio Villar García
Director de Portos de Galicia