Blanca Susana Janeiro Amela, secretaria xudicial do Xulgado de Primeira Instancia e Instrución número 3 de Tui, por el presente, anuncia que neste procedemento de xuízo verbal número 13/2013, seguido por instancia de Lucía Diz Besada fronte a Jeansland, C.B. se ditou sentenza, cuxo teor literal é o seguinte:
«Que admito a demanda interposta por Lucía Diz Besada contra a comunidade de bens Jeansland, C.B. e condeno a Jeansland, C.B., a pagar a Lucía Diz Besada o importe de 4.116 euros correspondente ás rendas non satisfeitas polo arrendamento concertado sobre o local sito na avda. da Concordia, nº 4, de Tui, así como a indemnizar a Lucía Diz Besada polos danos ocasionados no devandito local na cantidade de 6.672,58 euros.
Condeno a Jeansland, C.B., ao pagamento das custas ocasionadas nesta instancia.
Notifíquese a presente resolución ás partes, e fágaselles saber que é firme, polo que fronte a ela non cabe interpoñer recurso de apelación.
Lévese o orixinal desta resolución ao libro de sentenzas deste xulgado, deixando no procedemento testemuño bastante.
Así, por esta miña sentenza pronúncioo, mándoo e asínoo».
E ao estar o devandito demandado, Jeansland, C.B., en paradoiro descoñecido, expídese este edicto co fin de que lle sirva de notificación en forma.
Tui, 20 de novembro de 2013
A secretaria xudicial