A directora da Axencia de Protección da Legalidade Urbanística, o día 7 de decembro de 2013, ditou a resolución pola que se denega a solicitude formulada por Francisco Míguez Silva de ampliación de prazo para executar a demolición das obras realizadas en solo rústico, sen autorización urbanística autonómica, consistentes na construción dunha edificación de planta baixa acaroada a un lindeiro na rúa do Embalse-Pinar do Rei, lugar de Castro de Agudín, parroquia de Cea, no termo municipal de Vilagarcía de Arousa, provincia de Pontevedra.
Ao non poderse realizar a notificación persoal da denegación de ampliación de prazo ao citado interesado, mediante esta cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado a dita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselles saber ao interesado que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o dito prazo, a notificación entenderase producida.
Contra a dita resolución, que pon fin á vía administrativa, o interesado pode interpoñer recurso de reposición no prazo dun mes, contado a partir do día seguinte a aquel en que teña lugar a publicación desta cédula, ante a directora da Axencia de Protección da Legalidade Urbanística, ou ben, se non exerce o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira da Lei 29/1998, reguladora da xurisdición contencioso-administrativa.
Para que conste e lle sirva de notificación ao citado interesado, en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 12 de decembro de 2013
María Martínez Allegue
Directora da Axencia de Protección da Legalidade Urbanística