En cumprimento do establecido no artigo 92 da Lei 9/2002, do 30 de decembro, de ordenación urbanística e protección do medio rural de Galicia, faise público o acordo, adoptado polo Pleno en sesión que tivo lugar o 30 de maio de 2013, de aprobación definitiva do Plan de sectorización do sector industrial A, Concello de Paradela, no Diario Oficial de Galicia e o documento que conteña a normativa e as ordenanzas, no Boletín Oficial da provincia.
Comunicar á Consellería de Medio Ambiente, Territorio e Infraestruturas este acordo, dándolle traslado dunha copia autenticada do instrumento aprobado definitivamente con todos os planos e documentos que integran o plan, debidamente dilixenciados polo secretario do concello, facendo constar esta cuestión.
Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses, contados desde o día seguinte ao da publicación deste anuncio, de conformidade coa Lei 29/1998, do 13 de xullo, reguladora da xurisdición contencioso-administrativa.
Paradela, 13 de decembro de 2013
José Manuel Mato Díaz
Alcalde presidente