1). O Pleno da Corporación Municipal, en sesión ordinaria que tivo lugar o día 8 de novembro de 2013, adoptou o seguinte acordo:

Primeiro. Aprobar definitivamente o estudo de detalle do Plan especial de ordenación do núcleo rural de Soesto, tramitado por instancia de Juan Carlos Pérez Dourado e Rafael Solórzano Sáez de Cenzano, e segundo o proxecto redactado polos arquitectos Alfredo Garrote Pazos, Mónica Mesejo Conde, Iria Pérez Miranda e Ignacio Lázaro Quintela.

Segundo. Aprobar definitivamente o convenio urbanístico para a obtención da vía por cesión gratuíta e libre de cargas ao concello de Laxe, debidamente urbanizado, o cal tamén estivo sometido a exposición pública xunto co expediente de tal estudo de detalle nos medios públicos anteriormente citados.

Terceiro. Publicar o acordo no Diario Oficial de Galicia e o articulado das normas do estudo de detalle, así como tamén o acordo correspondente, no Boletín Oficial da provincia, todo iso no prazo dun mes contado desde a súa aprobación (artigo 92.2 da LOUG).Farase constar que non entrará en vigor ata que se publique completamente o seu texto e transcorra o prazo previsto no artigo 65.2 da Lei 7/1985, do 2 de abril, reguladora das bases do réxime local.

Cuarto. Ordenarlle ao secretario da Corporación que dilixencie os planos e documentos aprobados definitivamente.

Quinto. Comunicar a aprobación definitiva á Consellería de Medio Ambiente, Territorio e Infraestruturas (CMATI), á vez que se lle dará traslado dunha copia autenticada de dous exemplares do instrumento aprobado definitivamente con todos os planos e documentos que integran o estudo de detalle.

Recursos: este acordo será impugnable mediante:

– Recurso potestativo de reposición, ante o mesmo órgano municipal que o ditou, no prazo dun mes a partir do día seguinte ao desta publicación, ou directamente ante a orde xurisdicional contencioso-administrativa, no prazo de dous meses.

– Pódese exercer, de ser o caso, calquera outro que se considere procedente.

2) De acordo co sinalado no artigo 92.2 da LOUG, publicouse no BOP número 226, do día 27 de novembro de 2013, o texto dos documentos que o integran e plano de planta proposto.

3) En cumprimento do disposto no artigo 92.3 da LOUG, o acto de aprobación definitiva de tal documento foi comunicado á CMATI o día 14 de novembro de 2013.

Laxe, 27 de novembro de 2013

Antonio Carracedo Sacedón
Alcalde