En cumprimento do establecido no artigo 92 da Lei 9/2002, do 30 de decembro, de ordenación urbanística e protección do medio rural de Galicia, faise público que o Pleno do Concello de Paradela, en sesión do 28 de novembro de 2013, adoptou o seguinte acordo:
«Primeiro. Aprobar definitivamente o Plan de reforma interior SUNC-2 Concello de Paradela, tramitado por instancia de José Manuel González López en representación de Geriátrico Mayo, S.L.
Segundo. Comunicar á Consellería de Medio Ambiente, Territorio e Infraestruturas este acordo, dándolle traslado dunha copia autenticada do instrumento aprobado definitivamente con todos os planos e documentos que integran o plan, debidamente dilixenciados polo secretario do concello, facendo constar a dita cuestión.
Terceiro. Publicar este acordo de aprobación definitiva no Diario Oficial de Galicia no prazo dun mes, e o documento que conteña a normativa e as ordenanzas, no Boletín Oficial da provincia.
Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses, contados desde o día seguinte ao da publicación deste anuncio, de conformidade coa Lei 29/1998, do 13 de xullo, reguladora da xurisdición contencioso-administrativa.
Paradela, 13 de decembro de 2013
José Manuel Mato Díaz
Alcalde presidente