O tenente de alcalde, responsable da Área de Medio Ambiente, Infraestruturas e Territorio, o 28 de outubro de 2013, por delegación do alcalde a través de decreto do 13 de xuño de 2011, emitiu o decreto no cal se aproban os seguintes puntos:
«Decreto:
Primero. Incoar o expediente de expropiación e aprobar inicialmente a expropiación parcial do local comercial situado no baixo esquerda da rúa Noia, 65, cuxa relación de bens e dereitos afectados é:
A) Propiedade afectada pola expropiación.
Ben: local comercial planta baixa esquerda.
Predio rexistral: 55.205, inscrito no tomo 929, libro 929, folio 28, do Rexistro da Propiedade número 1 da Coruña.
Titular rexistral: Perfecto Maceiras Torres e Delfina Rabuñal Vázquez (titulares do 50 % con carácter ganancial) e Gerardo Taboada Mosquera e Antonia Pérez Ruzo (titulares do 50 % con carácter ganancial).
Referencia catastral: 7708305NJ4070N0002LU.
Titulares catastrais: Delfina Maceiras Rabuñal, María Bodelón Maceiras e Cristina Bodelón Maceiras.
Interesadas: Delfina Maceiras Rabuñal, María Bodelón Maceiras e Cristina Bodelón Maceiras.
Tipo afección: parcial.
Superficie afectada: 3 m2.
Valoración: tres mil oitocentos sesenta e dous euros con sesenta e seis céntimos.
Valoración: 3.678,72 €.
5 % premio de afección: 183,94 €.
Valoración total do prezo xusto: 3.862,66 €.
B) Outros dereitos afectados: indemnización por lucro cesante temporal á arrendataria Manel Selección, S.A.
Perda de ingresos de alugamento por cinco días de traballo no local comercial para facer o tabique divisorio: 255,78 € (incluído o 5 % premio de afección).
Valoración: 243,60 €.
5 % premio de afección: 12,18 €.
Valoración total do prezo xusto: 255,78 €.
Total: 4.118,44 €.
Segundo. Ao abeiro do establecido no artigo 118.2 da Ordenanza de conservación e rehabilitación de inmobles do concello da Coruña, o expediente tramitarase polo procedemento de taxación conxunta.
Terceiro. O expediente someterase a información pública polo prazo dun mes mediante a inserción dun anuncio no Diario Oficial de Galicia e nun xornal dos de maior circulación da provincia, e estará exposto na oficina municipal de Rehabilitación deste concello. Así mesmo, a taxación notificarase individualmente aos que aparezan como titulares de bens ou dereitos.
Cuarto. Requirir á comunidade de propietarios do edificio situado na rúa Noia, 65 (CIF H15316870), en calidade de beneficiario do expediente expropiatorio, que con anterioridade á aprobación definitiva do expediente efectúe un depósito ou aval bancario do 20 % da valoración que se aproba neste expediente, que ascende a oitocentos vinte e tres euros con sesenta e nove céntimos (823,69 €)».
O que se publica para os efectos de inicio do trámite de información pública, consonte o artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:
«2. O proxecto de expropiación, cos documentos sinalados, será exposto ao público polo prazo dun mes, para que aqueles que poidan resultar interesados formulen as observacións e reclamacións que consideren convenientes, en particular no que atinxe á titularidade ou valoración dos seus respectivos dereitos».
A Coruña, 13 de novembro de 2013
P.D.
Martín Fernández Prado
Tenente de alcalde responsable da Área de Medio Ambiente,
Infraestruturas e Territorio
