O Pleno Municipal, en sesión que tivo lugar o día 8 de outubro de 2013, adoptou o seguinte acordo:

«Primeiro. Aprobar definitivamente o documento de modificación puntual da parcela Z4 R9L do Plan parcial do sector S-2 San Pedro de Visma, promovido pola Xunta de Compensación do sector S-2 polígono San Pedro de Visma.

Segundo. Notificarlles este acordo ao promotor, aos titulares catastrais, aos departamentos municipais de Licenzas e Disciplina Urbanística, Xestión do Solo, Sección de Patrimonio Urbanístico, oficina do SIX de Planeamento e á Área de Infraestruturas.

Terceiro. Dilixenciar o documento e ordenar o cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección do medio rural de Galicia, para a entrada en vigor da modificación puntual do plan parcial».

En cumprimento do disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia (LOUG), a documentación da citada modificación tivo entrada na Consellería de Medio Ambiente, Territorio e Infraestruturas o día 5 de novembro de 2013.

Contra este acordo, que pon fin á vía administrativa, cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contado a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de calquera outro que se considere pertinente.

A modificación puntual entrará en vigor aos quince días hábiles da súa publicación no BOP (artigo 70.2 da Lei 7/1985, do 2 de abril, reguladora das bases do réxime local).

A Coruña, 7 de novembro de 2013

César de Jesús Otero Grille
Director de Urbanismo