Xuíza que a dita: Yolanda Rodríguez Sánchez.
Lugar: Vigo.
Data: 10 de xullo de 2013.
Demandante: Jean Marc Yves Alois Duym.
Avogado: Miguel Freire Estévez.
Procuradora: María del Pilar Sánchez Romero.
Demandada: Lorena González Pérez.
Procedemento: procedemento ordinario 805/2012.
Ditame:
Admítese a demanda presentada pola procuradora Pilar Sánchez Romero, en nome e representación de Jean Marc Yves Alois Duym, contra Lorena González Pérez.
Condénase a demandada ao aboamento da suma de 54.400 euros máis os xuros legais desde a presentación da demanda (15.10.2012) e os previstos no artigo 576 da LAC desde a data desta resolución e ata o seu completo pagamento.
Impóñense as custas ás partes demandadas.
Expídase a correspondente certificación literal desta resolución, que quedará unida ao procedemento, e lévese o orixinal ao libro da súa razón.
Modo de impugnación: contra esta sentenza cabe recurso de apelación dentro dos vinte días seguintes á súa notificación, que se interporá ante este órgano xudicial.
Conforme a disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, comunidade autónoma, entidade local ou organismo autónomo dependente.
O depósito deberá constituílo ingresando a citada cantidade no Banesto, na conta deste expediente 2745 0000 04 0805 12, indicando no campo “concepto” a indicación “recurso”, seguida do código “02 Civil-apelación”.
Se o ingreso se fai mediante transferencia bancaria deberá incluír, tras a conta referida, separados por un espazo, a indicación “recurso” seguida do código “02 Civil-apelación”.
No caso de que deba realizar outros pagamentos na mesma conta, deberá verificar un ingreso por cada concepto, mesmo se obedecen a outros recursos da mesma ou distinta clase con indicación, neste caso, no campo observacións da data da resolución impugnada co formato dd/mm/aaaa.
Así, por esta a miña sentenza, o pronuncio, mando e asino.
A maxistrada xuíza