Para os efectos de darlle cumprimento ao solicitado polo Xulgado do Contencioso-Administrativo número 1 de Vigo, en relación co procedemento ordinario número 260/2013, interposto por Armando Márquez Otero contra a resolución ditada pola Axencia de Protección da Legalidade Urbanística no expediente de reposición da legalidade número IU2/105/2012, polo que se declaran ilegalizables as obras executadas, consistentes na ampliación dunha vivenda unifamiliar, peche de soportal existente e ampliación acaroada á vivenda, no camiño de Sapeiras, 21, parroquia de Belesar, concello de Baiona, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Vigo.

Polo exposto, mediante a presente resolución emprázase a Eloísa Amparo Raposo Sastre para que poida comparecer como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 28 de novembro de 2013

María Martínez Allegue
Directora da Axencia de Protección da Legalidade Urbanística