Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos por instancia de Lorena Martínez Marcote contra Zozo, S.L. e o Fondo de Garantía Salarial, sobre despedimento, nos cales se ditou auto de aclaración de sentenza en data 18.10.2013, que copiada nos particulares necesarios di así:
«Parte dispositiva.
O maxistrado xuíz acorda: aclarar a sentenza e, en consecuencia, o encabezamento, antecedente de feito primeiro, feito probado primeiro e ditame da sentenza quedarán do teor literal seguinte:
Sentenza.
A Coruña, 1 de outubro de 2013.
Nicolás E. Pita Lloveres, xuíz do Xulgado do Social número 4 da Coruña, despois de ver os presentes autos seguidos neste xulgado co número 822/2012, acumulados aos seguidos no Xulgado do Social número 2 da Coruña, co número 1067/2012, sendo parte neste, dun lado, como demandante, Lorena Martínez Marcote, asistida pola letrada Sra. Noya Rey, e doutra, como demandada, a empresa Zozo, S.L., que non comparece, con intervención do Fondo de Garantía Salarial, que tampouco comparece, sobre resolución de contrato e despedimento, pronunciou en nome do rei a seguinte sentenza.
Antecedentes de feito.
Primeiro. Lorena Martínez Marcote presentou en data 1 de xullo de 2012 ante o xulgado decano demanda sobre extinción de contrato, que foi repartida a este xulgado o 1 de agosto do mesmo ano, na cal, despois de expor os feitos e fundamentos que considerou pertinentes, remataba suplicando que se ditase sentenza pola cal se declare que a empresa lle debe á traballadora as cantidades reclamadas en demanda, e condenar ao seu aboamento, así como a que resulte en concepto de indemnización, o que deu lugar aos autos número 822/2012 seguidos neste xulgado.
Feitos probados.
Primeiro. Lorena Martínez Marcote vén prestando servizos para a empresa Zozo, S.L. con antigüidade do 1 de xaneiro de 2006, coa categoría de contable, percibindo un salario mensual, con inclusión da parte proporcional das pagas extraordinarias, de 887,86 euros, debendo aboar, conforme o convenio colectivo, un salario de 33,48 euros mensuais.
Ditame.
Estímanse as demandas interpostas por Lorena Martínez Marcote fronte a Zozo, S.L. e, en consecuencia:
– Declárase improcedente o despedimento da demandante con data de efectos do 14 de setembro de 2012.
– Declárase extinguido, con data da presente resolución, o contrato que une a demandante con Zozo, S.L.
– Condénase a Zozo, S.L. a aboarlle á demandante as seguintes cantidades:
• 11.132,10 euros en concepto de indemnización.
• 12.822,84 euros en concepto de salarios de tramitación.
• 4.582,13 euros en concepto de salarios pendentes de pagamento, devindicando o xuro moratorio do 10 %.
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, abondará a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
Así o acorda e asina. Dou fe.
O maxistrado xuíz. A secretaria xudicial».
E para que conste, para os efectos da súa publicación no Diario Oficial de Galicia co fin de que lle sirva de notificación en forma á empresa Zozo, S.L., expido e asino a presente.
A Coruña, 21 de outubro de 2013
A secretaria xudicial