María Jesús Hernando Arenas, secretaria do Xulgado do Social número 5 da Coruña, fai saber que neste xulgado se tramitan autos número 1401/2012, por instancia de Gonzalo Rodríguez Baleato, José Ramón Souto Fariña, Gonzalo Pampín Couselo e Natalia Sánchez Lameiro contra a empresa Empanadas Oroso, S.L. e Fogasa, sobre cantidade, en que no día da data se ditou sentenza cuxa parte dispositiva di textualmente:
«Decido.
Que debo estimar e estimo a demanda que en materia de cantidade interpuxeron Gonzalo Rodríguez Baleato, José Ramón Souto Fariña, Gonzalo Pampín Couselo e Natalia Sánchez Lameiro contra Empanadas Oroso, S.L. e o Fondo de Garantía Salarial e, en consecuencia, debo condenar e condeno a Empanadas Oroso, S.L. a que lles aboe aos demandantes as cantidades que se especificarán en concepto do 40 % da indemnización derivada do despedimento efectuado o pasado 31 de decembro de 2012:
A Gonzalo Rodríguez Baleato, a cantidade de 148,13 euros.
A José Ramón Souto Fariña, a cantidade de 172,62 euros.
A Gonzalo Pampín Couselo, a cantidade de 129,87 euros.
A Natalia Sánchez Lameiro, a cantidade de 120,78 euros.
Que debo desestimar e desestimo a demanda que en materia de cantidade interpuxeron Gonzalo Rodríguez Baleato, José Ramón Souto Fariña, Gonzalo Pampín Couselo e Natalia Sánchez Lameiro contra o Fondo de Garantía Salarial nesta instancia.
Notifíqueselles esta resolución ás partes e fágaselles saber que contra ela non cabe interpor recurso.
En todo caso, o recorrente deberá designar letrado para a tramitación do recurso, no momento de o anunciar.
Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.
Así, por esta a miña sentenza, pronúncioo, mándoo e asínoo».
E para que conste a para a súa inserción no Diario Oficial de Galicia, co fin de que lle sirva de notificación á empresa demandada Empanadas Oroso, S.L., co apercibimento de que as sucesivas notificacións se farán nas dependencias do xulgado, agás as que sexan autos ou sentenzas, ou cando se trate de emprazamento, expido e asino este edicto.
A Coruña, 11 de outubro de 2013
María Jesús Hernando Arenas
Secretaria xudicial
