O 20 de setembro de 2013, o presidente de Portos de Galicia, de acordo coas competencias conferidas polo artigo cuarto da Orde do 30 de marzo de 2012, da Consellería do Medio Rural e do Mar, resolveu declarar a caducidade da concesión administrativa de referencia, o que determina a extinción anticipada da concesión, a reversión da superficie ocupada e das instalacións ao dominio público portuario, e a incautación da totalidade das garantías que, se é o caso, se constituísen para responder da explotación e/ou construción da concesión.
Intentada a notificación da citación para a formalización da acta de reversión a través do servizo de Correos no enderezo do concesionario que consta no expediente sito na Travesía da Coruña, número 4, oficina 8, de Vigo, provincia de Pontevedra, e non sendo posible a súa práctica, de conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello de Vigo á mercantil Racionalización de Servicios Navales, S.L. (Rasernaval), que o día 7 de novembro de 2013, ás 12.00 horas, formalizarase no lugar da concesión acta de reversión e recuperación gratuítas e libres de cargas para a Administración da superficie e instalacións que integraban a concesión.
Antes do dito acto o titular deberá retirar do espazo portuario todos os materiais, equipos ou instalacións da súa propiedade que non revertan gratuitamente ao dominio público, e de non facelo así, Portos de Galicia efectuará a dita retirada de maneira subsidiaria e á súa custa.
Chegado o termo previsto para a formalización da reversión, e no caso de que non sexa posible a recuperación total ou parcial das instalacións, Portos de Galicia iniciará os procedementos previstos para este caso na Lei 5/2011, do 30 de setembro, do patrimonio da Comunidade Autónoma de Galicia, e no Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante.
E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 23 de outubro de 2013
José Ignacio Villar García
Director de Portos de Galicia