María Adelaida Egurbide Margañón, secretaria xudicial do Xulgado do Social número 2 da Coruña, fai saber que no procedemento de despedimento/cesamentos en xeral 188/2013 deste xulgado do social, seguido por instancia de María Lagoa Agilda contra a empresa Hemoprens Galicia, S.L. e Fogasa, sobre despedimento, se ditou sentenza, cuxo encabezamento e decisión di:
«Sentenza.
A Coruña, 3 de outubro de 2013
Miguel Herrero Liaño, maxistrado do Xulgado do Social número 2 da Coruña, vistos os presentes autos seguidos neste xulgado co número 188/2013, no cal son parte, dun lado como demandante María Lagoa Agilda, asistida polo letrado Antonio Pousa Merens, e como demandado Hemoprens Galicia, S.L., que non comparece, con intervención de Fogasa, que non comparece, sobre despedimento, pronunciou en nome do rei, a seguinte sentenza:
Decido.
Debo estimar e estimo a demanda sobre despedimento formulada por María Lagoa Agilda fronte á empresa Hemoprens Galicia, S.L., con intervención procesual do Fogasa, e en consecuencia:
1. Declaro a improcedencia do despedimento con condena da empresa indicada a que readmita inmediatamente o traballador nas mesmas condicións que rexían antes de se producir o despedimento, ou ben, á elección da empresa, á extinción da relación laboral con aboamento da indemnización detallada no número segundo desta decisión. Todo isto con aboamento, no caso de opción pola readmisión, dos salarios de tramitación que non percibise ata a data da notificación da presente sentenza.
Esta opción deberá exercerse en cinco días a partir da notificación desta sentenza, mediante escrito ou comparecencia perante este xulgado. Transcorrido este prazo, sen que se optase, entenderase que procede a readmisión.
2. A indemnización e os salarios de tramitación que debe aboar a empresa demandada son os seguintes:
– En concepto de indemnización, e de optar a empresa por ela: 21.887,71 euros.
– En concepto de salarios de trámite para o caso de opción pola readmisión, os deixados de percibir desde a data do despedimento e ata a notificación da presente sentenza calculados a razón de 42,27 euros por día.
3. Condénase a empresa a aboarlle á parte demandante a cantidade de 634,05 euros en concepto de indemnización por omisión de aviso previo.
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado ou representante dentro do indicado prazo.
Advírtaselle ao recorrente que non sexa traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social, na conta aberta na entidade Banesto, a nome deste xulgado, acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso.
En todo caso, o recorrente deberá designar letrado para a tramitación do recurso, no momento de anuncialo.
Dedúzase testemuño literal desta sentenza que quedará nestas actuacións, con inclusión da orixinal no libro de sentenzas.
Así por esta miña sentenza, pronúncioo, mándoo e asínoo».
E para que sirva de notificación en legal forma a Hemoprens Galicia, S.L., expido a presente para a súa inserción no Diario Oficial de Galicia (DOG).
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 8 de outubro de 2013
A secretaria xudicial
