Francisco García García, en representación de Maderas Los Valos, solicitou desta alcaldia licenza municipal para actividade de taller de carpintaría, que se situará na parroquia de Areas, O Picoto, s/n, neste municipio. En cumprimento do disposto no artigo 8.3, do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte días hábiles, co fin de que durante este, que comezará a contar desde o día seguinte ao da inserción deste edicto no Boletín Oficial da provincia e no Diario Oficial de Galicia, as persoas que dalgún xeito se consideren afectadas pola actividade que se pretende instalar poidan examinar o expediente, na Secretaría deste concello, e formular por escrito as reclamacións e observacións que se xulguen oportunas.

Ponteareas, 23 de setembro de 2013

Salvador González Solla
Alcalde