Marta Yanguas del Valle, secretaria xudicial do Xulgado do Social número 2 de reforzo da Coruña, fago saber:

Que no procedemento ordinario 428/2011 deste xulgado, se ditou a sentenza cuxo encabezamento e resolución son como segue:

«Sentenza 484/2013.

Xuíz: Javier López Cotelo.

Procedemento: reclamación de cantidade 428/2011.

Demandante: José Carlos Santiso Paredes.

Letrado: Sr. Martínez Ramonde.

Demandado: Esabe Vigilancia, S.A.

Letrado:

Fogasa.

Letrado: Sra. Abajo Lera.

Sentenza 484/2013.

A Coruña, 7 de agosto de 2013.

Resolución:

Estimo parcialmente a demanda formulada por José Carlos Santiso Paredes contra a empresa Esabe Vigilancia, S.A. e, en consecuencia, condénoa a aboarlle ao primeiro a suma de 2.016,48 euros en concepto de salarios debidos. O Fogasa deberase ater ao decidido na presente resolución.

Inscríbase esta resolución no libro de sentenzas e déixese testemuño dela neste procedemento.

Notifíquese esta sentenza ás partes e advírtase de que contra ela se poderá interpor recurso de suplicación ante o Tribunal Superior de Xustiza de Galicia, que se deberá anunciar neste xulgado no prazo dos cinco días seguintes ao da notificación desta resolución, por comparecencia ou mediante escrito, pasados os cales se declarará firme e se arquivará.

Advírtase igualmente o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.

Así o pronuncio, mando e asino. Javier López Cotelo».

E para que conste e sirva de notificación a Esabe Vigilancia, S.A., en ignorado paradoiro, expídese este edicto para a súa publicación no Diario Oficial de Galicia.

A Coruña, 10 de setembro de 2013

A secretaria xudicial