Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: LMTS, CT, RBT Cruxeiras.
Situación: concello de Ames.
Características técnicas:
Liña de media tensión soterrada ao CT Cruxeiras a 20 kV, cunha lonxitude de 1,278 km, coa orixe en cela de liña proxectada no CT Barouta (expediente 27.223), condutor tipo RHZ1-2OL-12/20 kV 3(1×150 Al), e final no CT Cruxeiras proxectado.
Centro de transformación prefabricado Cruxeiras, cunha potencia de 160 kVA e unha relación de transformación de 20.000/400-230 V.
Reforma do centro de transformación non prefabricado Barouta, cunha potencia de 250 kVA e unha relación de transformación de 20.000/400-230 V.
Liña de baixa tensión aérea, cunha lonxitude de 0,449 km, coa orixe en empalmes coa RBT subterránea proxectada do CT Cruxeiras e coa RBT existente, empalmes coa RBT existente e proxectada, condutor tipo RZ e apoios de formigón.
Rede de baixa tensión subterránea, cunha lonxitude de 0,336 km, coa orixe no CT Cruxeiras, condutor tipo XZ1.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 13 de agosto de 2013
Por ausencia (Artigo 30.3 do Decreto 110/2013; DOG nº 140, do 24 de xullo)
Isidoro Martínez Arca
Xefe do Servizo de Administración Industrial