En relación coa modificación puntual do Plan xeral de ordenación municipal no bordo marítimo de Raxó, o Pleno deste concello, na sesión do día 30 de xullo de 2013, adoptou o acordo número 3846, no cal se acordou o que segue:

Primeiro. Prestar aprobación inicial ao proxecto de modificación puntual do PXOM no bordo marítimo de Raxó, redactado por AD Plan Arquitectura, Diseño e Planeamento, S.L.P. en execución da Sentenza do Tribunal Superior de Xustiza de Galicia do 26 de decembro de 2007, recaída no procedemento ordinario 00/0005026/2000 da Sala do Contencioso-Administrativo.

Segundo. Someter o expediente a información pública durante o prazo de dous meses mediante anuncio que se publicará no Diario Oficial de Galicia e en dous dos xornais de maior difusión da provincia, dándolles audiencia aos concellos limítrofes do documento aprobado inicialmente. Unha vez rematada a información pública e antes da aprobación provisional, deberase solicitar novo informe tanto ao Ministerio de Medio Ambiente, Dirección Xeral de Costas, como á Secretaría Xeral de Costa (Consellería de Medio Ambiente, Territorio e Infraestruturas).

Terceiro. Facultar o alcalde para os trámites sucesivos do expediente.

Polo que se somete a aprobación inicial desta modificación puntual a información pública durante o prazo de dous meses, contados a partir da publicación deste anuncio no Diario Oficial de Galicia. Poderá examinarse o expediente na Oficina de Urbanismo do concello e presentarse as alegacións ou reclamacións que se consideren oportunas durante o dito prazo, de conformidade co disposto no artigo 85.2 da Lei 9/2002, do 30 de decembro, de ordenación urbanística e protección do medio rural de Galicia (última modificación: Lei 2/2010, do 25 de marzo).

Poio, 14 de agosto de 2013

Luciano Sobral Fernández
Alcalde