1. O Consello da Xunta de Galicia, mediante Acordo do 4 de febreiro de 2010 (DOG núm. 40, do 1 de marzo), aprobou definitivamente a modificación puntual do plan sectorial de áreas empresariais no ámbito da Comunidade Autónoma de Galicia para o parque empresarial de Verín (Ourense), o proxecto sectorial do parque empresarial de Verín e o correspondente proxecto de obras públicas. Así mesmo, declarou a utilidade pública e o interese social das obras, instalacións e servizos previstos, así como a necesidade de ocupación para os efectos de expropiación dos bens e dereitos necesarios para a execución do referido proxecto sectorial, de conformidade co establecido na Lei 9/2002, do 30 de decembro, de ordenación urbanística e protección do medio rural de Galicia.
2. Mediante Resolución do 7 de febreiro de 2011 o director xeral do IGVS acordou o inicio polo procedemento de taxación conxunta e o sometemento a información pública do expediente expropiatorio dos bens e dereitos que se precisa ocupar para a execución do parque empresarial de Verín (DOG núm. 31, do 15 de febreiro). Trátase dunha expropiación urbanística e, como tal, regulada na Lei 9/2002, de ordenación urbanística e protección do medio rural de Galicia (LOUGA), Real decreto lexislativo 2/2008, do 20 de xuño, polo que se aproba o texto refundido da Lei do solo (TRLS) e o Real decreto 3288/1978, do 25 de agosto, que aproba o Regulamento de xestión urbanística (RXU).
3. Por Resolución do 29 de xuño de 2011 a Secretaría Xeral de Ordenación do Territorio e Urbanismo da Consellería de Medio Ambiente, Territorio e Infraestruturas da Xunta de Galicia aprobou definitivamente o expediente de expropiación forzosa seguido polo procedemento de taxación conxunta dos bens e dereitos necesarios para a execución do proxecto sectorial do parque empresarial de Verín, promovido polo IGVS (DOG núm. 145, do 29 de xullo).
4. O 20 de xullo de 2011 o director xeral do IGVS sinalou as datas e citou os interesados para o levantamento das actas de pago e ocupación dos bens e dereitos afectados polo expediente de expropiación forzosa por taxación conxunta necesarios para a execución do proxecto sectorial do parque empresarial de Verín (DOG núm. 153, do 10 de agosto).
5. Como consecuencia do trazado dunha nova vía que conectará o polígono existente coa ampliación proxectada é preciso afectar máis superficie da prevista no procedemento expropiatorio aprobado definitivamente e iniciar un expediente expropiatorio complementario dos terreos afectados pola nova vía.
6. De acordo co exposto, este expediente tramítase como unha expropiación complementaria do procedemento de taxación conxunta aprobado definitivamente e ten por obxecto a expropiación polo IGVS dos bens e dereitos necesarios para a execución do proxecto sectorial do parque empresarial de Verín.
Para os efectos de fixación do prezo xusto polo procedemento de taxación conxunta, para o seu pagamento aos propietarios afectados e ocupación dos predios afectados, confeccionouse o oportuno expediente, de acordo co disposto nos artigos 142 e 143 da Lei 9/2002, do 30 de decembro, e artigos 201 e 202 do Regulamento de xestión urbanística.
7. Consonte o previsto nos artigos 108.5, 142 e 143 da Lei 9/2002, do 30 de decembro, acórdase:
– Iniciar o expediente de expropiación complementario dos bens e dereitos necesarios para a execución do proxecto sectorial do parque empresarial de Verín (Ourense).
– Someter a información pública polo prazo dun mes, mediante inserción de anuncios no Diario Oficial de Galicia e nun xornal dos de maior circulación na provincia, o expediente expropiatorio complementario dos bens e dereitos necesarios para a execución do proxecto sectorial do parque empresarial de Verín (Ourense), para que quen poida resultar interesado formule as observacións e reclamacións que considere convenientes, en particular no que concerne á titularidade ou valoración dos seus respectivos bens ou dereitos. Darase audiencia aos concellos de Verín e Monterrei e notificarase ao Ministerio Fiscal e publicaranse os edictos para os efectos do previsto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común.
– Notificar individualmente as taxacións aos que aparecen como titulares de bens e dereitos no expediente, mediante traslado literal da correspondente folla de aprecio e da proposta de fixación dos criterios de valoración, para que poidan formular as alegacións no prazo dun mes, contado a partir da data de notificación.
8. O expediente estará exposto á disposición dos interesados no Concello de Verín e nas oficinas do IGVS, sitas na Área Central, s/n, polígono das Fontiñas, Santiago de Compostela. Durante o dito prazo todas aquelas persoas ou entidades que se consideren afectadas poderán presentar as alegacións que consideren oportunas dirixidas ao IGVS na Área Provincial do Instituto Galego da Vivenda e Solo, sita na rúa Saenz Díez, nº 1, Ourense, ou en calquera das formas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
9. Incorpórase como anexo a relación inicial de bens, dereitos e titulares.
Santiago de Compostela, 16 de xullo de 2013
Teresa María Gutiérrez López
Directora xeral do Instituto Galego da Vivenda e Solo
ANEXO
Relación de titulares e predios afectados pola expropiación complementaria
do proxecto sectorial do parque empresarial de Verín (Ourense)
Referencia catastral |
Titulares |
Enderezo |
Localidade |
Superficie (m2) |
Parcela |
||||
7333409PG2473S000100 |
Antonio Rivero Salgado Asunción Fernández Rodríguez |
Avda. de Portugal, 29, 3º D |
Verín |
693,33 |