Vladimir Sieyro Boxer na súa condición de persona física representante da Asociación Deportiva Real Aero Club de Santiago, S.A., solicita nesta alcaldía licenza municipal para a apertura de edificacións, instalacións deportivas cubertas e piscinas no lugar de San Mamede de Piñeiro.
Para cumprir co disposto no artigo 36.5 do Real decreto 2816/1982, do 27 de agosto, polo que se aproba o Regulamento xeral de policía de espectaculos públicos e actividades recreativas, sométese a información pública por un período de 10 días hábiles que comezará a contar desde o día seguinte ao da inserción deste edicto no Boletín Oficial da provincia, no Diario Oficial de Galicia e no taboleiro de anuncios deste concello no Milladoiro e Bertamiráns.
Durante este tempo as persoas que dalgún xeito se consideren afectadas pola actividade que se pretende instalar, poderán examinar o expediente no departamento de Urbanismo deste concello, situado na rúa Alcalde Lorenzo, 2, 1º, Bertamiráns, das 9.00 ás 14.00 horas, e formular por escrito as reclamacións ou observacións que xulguen oportunas.
Ames, 6 de agosto de 2013
Santiago V. Amor Barreiro
Alcalde