Procedemento: procedemento ordinario 235/2010.

Sobre: outras materias.

De Kuwait Petroleum España, S.A.

Procurador/a Sr/a. Manuel Ricardo Nistal Riadigos.

Contra Gasóleos de Galicia, S.L.

Miriam de Mata Schick, secretaria xudicial do Xulgado de Primeira Instancia e Instrución número 2 de Lalín, anuncio:

No presente procedemento ordinario nº 235/2010 seguido por instancia de Kuwait Petroleum España, S.A. contra Gasóleos Galicia, S.L. foi ditada sentenza cuxa parte dispositiva é do teor literal seguinte:

«Decido:

Que, estimando integramente como estimo, a demanda formulada pola representación procesual de Kuwait Petroleum España, S.A., contra Gasóleos de Galicia, S.L., debo condenar e condeno a demandada a aboar á demandante a cantidade de trinta e tres mil setenta e oito euros con cincuenta céntimos (33.078,50 euros). A cantidade obxecto de condena producirá un xuro de demora igual ao que resulte da suma do tipo de xuro aplicado polo Banco Central Europeo á súa máis recente operación principal de financiamento efectuada antes do primeiro día do semestre natural de que se trate máis sete puntos porcentuais, desde a data de vencemento da factura reclamada e ata o seu completo pagamento. Imponse á parte demandada o pagamento das custas causadas no presente procedemento.

Notifíquese a presente resolución ás partes e fágaselles saber que contra ela cabe recurso de apelación, que se interporá por escrito ante este xulgado dentro do prazo de vinte días, contados desde o seguinte á súa notificación, e resolverase ante a Audiencia Provincial de Pontevedra.

Así o pronuncio, mando e asino por esta miña sentenza».

E encontrándose o citado demandado, Gasóleos Galicia, S.L., en paradoiro descoñecido, expídese este edicto a fin de que lle sirva de notificación en forma.

Lalín, 31 de xaneiro de 2013

A secretaria xudicial