Antecedentes.
A escola Arousa Náutica Navegación, S.L. solicitou o recoñecemento como escola de navegación de lecer (ENAL básica práctica).
Consideracións legais e técnicas.
1. Orde do 31 de xullo de 1998 pola que se regulamenta a normativa para o recoñecemento das escolas de navegación de lecer na Comunidade Autónoma de Galicia (DOG nº 164, do 25 de agosto).
2. A Dirección Xeral de Desenvolvemento Pesqueiro analizou a documentación e realizou as correspondentes inspeccións.
A Dirección Xeral de Desenvolvemento Pesqueiro é a competente para resolver o expediente.
De acordo con todo o indicado,
RESOLVE:
Recoñecer a escola Arousa Náutica Navegación, S.L. como escola de navegación de lecer (ENAL básica práctica), e, segundo o artigo 7 da citada orde, terá a consideración de centro colaborador da Administración nos temas que lle son propios.
Así mesmo, procedese á inscrición no Rexistro de Escolas de Navegación de Lecer desta Dirección Xeral de Desenvolvemento Pesqueiro de:
Arousa Náutica Navegación, S.L., con sede das instalacións en rúa Noro, número 4, 2º B, 15960 Ribeira, A Coruña, e inscrita co número XGEN045.
A inscrición no Rexistro de Escolas de Navegación de Lecer ten como finalidade a anotación, seguimento, control e inspección da escola recoñecida. Terá unha vixencia de cinco (5) anos, que se contarán a partir do día seguinte á publicación no DOG da presente resolución. Transcorrido ese prazo deberán solicitar a súa renovación.
A escola inscrita está obrigada a comunicarlle ao rexistro calquera cambio que modifique as condicións en que foi recoñecida, así como a substitución do instrutor ou o cambio da embarcación de prácticas.
Así mesmo, a escola poderá perder o seu recoñecemento e ser anulada a súa inscrición no rexistro, por non renovaren o recoñecemento, por incumprimento das súas obrigas ou por cesamento da actividade por máis de tres anos. A resolución será publicada no DOG.
Santiago de Compostela, 11 de xullo de 2013
Susana Rodríguez Carballo
Directora xeral de Desenvolvemento Pesqueiro