De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que se relaciona no anexo a resolución do expediente sancionador S-P-01.13 por infracción da Lei 8/1995, do 30 de outubro, do patrimonio cultural de Galicia.
Contra esta resolución, que non pon fin á vía administrativa, poderán os interesados interpoñer recurso de alzada ante o conselleiro de Cultura, Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia, de conformidade co disposto no artigo 115 da Lei 30/1992, do 26 de novembro, de réxime xurídico das administracións públicas e do procedemento administrativo común.
Os interesados poderán examinar o expediente no Servizo de Patrimonio Cultural, da Xefatura Territorial da Consellería de Cultura, Educación e Ordenación Universitaria en Pontevedra.
Santiago de Compostela, 22 de xullo de 2013
Roberto Pena Puentes
Xefe do Servizo de Vixilancia e Inspección
ANEXO
Nº de expediente: S-P-01.13.
Interesado: José Sánchez Carballude.
Último enderezo coñecido: lugar de Vilavella, 11, O Castro (Silleda).
Feitos imputados: escavación e acondicionamento de terreos para a construción dun panteón, no contorno de protección da igrexa parroquial de Saídres (Pontevedra) sen licenza municipal e sen contar coa autorización previa e preceptiva da Dirección Xeral de Patrimonio Cultural.
Tipificación: artigo 90.g) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.