De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que a seguir se relaciona o acordo de iniciación do procedemento sancionador en materia de turismo, por infracción administrativa da Lei 7/2011, do 27 de outubro, do turismo de Galicia (expediente LU-9/2013), incoado ao titular do establecemento de café bar denominado Refugio, sito na rúa Benigno Quiroga, nº 38, da Pobra de San Xiao, do concello de Láncara (Lugo), xa que, intentada a notificación polos medios habituais, non se puido practicar.
Noméase instrutor do procedemento a Francisco López Castro e secretaria a Mercedes Campos Casares, funcionarios da Área Provincial de Turismo de Lugo, e o seu réxime de recusación é o previsto nos artigos 28 e 29 da Lei 30/1992.
Según o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince días, contados a partir do seguinte ao da publicación desta notificación, para achegar por escrito cantas alegacións, documentos ou informacións consideren convenientes e, se é o caso, propoñer proba concretando os medios de que pretenda valerse.
Conforme o establecido no artigo 13.2º do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario poderá poñer fin ao expediente. Para efectualo deberá empregar o impreso normalizado que lle será facilitado na Área Provincial de Turismo, sita no Edificio Administrativo da Xunta de Galicia na rolda da Muralla de Lugo.
O órgano competente para a resolución do procedemento é a xefa da Área Provincial de Turismo en Lugo, segundo o disposto no artigo 119.1.a) da Lei 7/2011, e no Decreto 196/2012, do 27 de setembro, polo que se crea a Axencia Turismo Galicia e se aproban os seus estatutos.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).
Expediente: LU-9/2013.
Denunciado: Procoele, S.L.
Establecemento: Café Bar Refugio.
Enderezo: rúa Benigno Quiroga, nº 38, da Pobra de San Xiao. Concello de Láncara.
Feitos denunciados: non comunicar á Administración turística os cambios efectuados na titularidade e denominación do establecemento.
Preceptos infrinxidos: artigo 35.b) da Lei 7/2011.
Tipificación da infracción: artigo 109.2.c) da Lei 7/2011.
Cualificación: leve.
Sanción: cuatrocentos euros (400,00 €).
Lugo, 16 de xullo de 2013
Paloma Vázquez Fernández
Xefa da Área Provincial de Turismo de Lugo