En cumprimento do establecido no artigo 92 da Lei 9/2002, do 30 de decembro, de ordenación urbanística e protección do medio rural de Galicia, faise público que o Pleno do Concello de Mesía, en sesión do 12 de xullo de 2013, adoptou o seguinte acordo:
«Primeiro. Desestimar a alegación presentada por Antonio Sánchez Carro con base no informe técnico que se transcribe nos antecedentes deste acordo.
Segundo. Aprobar definitivamente o Plan parcial do sector de solo urbanizable S-03 ARS-03, no lugar do Campo, que desenvolve o Plan xeral de ordenación municipal deste concello, tramitado por instancia de Manuel García Gómez, en nome e representación da entidade Carpintería Ramón García, S.L., e redactado polo arquitecto Alejandro Arias Novas.
Terceiro. Comunicar á consellería competente en materia de urbanismo e ordenación do territorio este acordo e darlle traslado de dous exemplares dilixenciados do plan parcial aprobado definitivamente.
Cuarto. Publicar o presente acordo de aprobación definitiva no Diario Oficial de Galicia no prazo dun mes, e o documento que conteña a normativa e as ordenanzas, no Boletín Oficial da provincia.
Quinto. Contra este acordo de aprobación definitiva, que pon fin á vía administrativa, poderase interpoñer recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses, contados desde o día seguinte ao da publicación do último dos anuncios citados no punto anterior, de conformidade coa Lei 29/1998, do 13 de xullo, reguladora da xurisdición contencioso-administrativa».
Faise constar que o 15 de xullo de 2013 se comunicou a dita aprobación definitiva á Consellería de Medio Ambiente, Territorio e Infraestruturas, e que se remitiren, así mesmo, dous exemplares dilixenciados do plan parcial aprobado definitivamente.
Contra o acordo de aprobación definitiva, que pon fin á vía administrativa, poderase interpoñer recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses, contados desde o día seguinte ao da publicación deste anuncio, de conformidade coa Lei 29/1998, do 13 de xullo, reguladora da xurisdición contencioso-administrativa.
Mesía, 16 de xullo de 2013
Mariano Iglesias Castro
Alcalde