Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 1102/2010, por instancia de Dolores Maceiras Dosil, María del Carmen Lago Beiro e María Luisa Pérez Pérez contra a empresa Asociación Instituto Desarrollo Comunitario de Galicia, sobre cantidade, en que recaeu sentenza con data do 13 de xuño de 2013 que, copiada nos particulares necesarios, di así:
Estímase a demanda interposta por Dolores Maceiras Dosil, María del Carmen Lago Beiro e María Luisa Pérez Pérez contra a entidade Asociación Instituto Desarrollo Comunitario de Galicia e, en consecuencia:
– Condénase a empresa Asociación Instituto Desarrollo Comunitario de Galicia a lles aboar ás demandantes as seguintes cantidades:
• A Dolores Maceiras Dosil, a cantidade de 8.898,60 euros.
• A María del Carmen Lago Beiro, a cantidade de 2.815 euros.
• A María Luisa Pérez Pérez, a cantidade de 9.578,64 euros.
Notifíqueselles esta resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social ou representante, dentro do indicado prazo.
Se o recorrente non goza do beneficio da xustiza gratuíta deberá, ao anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Asociación Instituto Desarrollo Comunitario de Galicia, expido e asino este edicto.
A Coruña, 20 de xuño de 2013
A secretaria xudicial