Juan Rey Pita, secretario xudicial do Xulgado do Social número 3 da Coruña, fai saber que no procedemento ordinario 356/2011 deste xulgado do social, seguido por instancia de Silvia Sánchez Prieto contra a empresa Onkawa Belleza, S.L. sobre ordinario, se ditou a seguinte resolución:
Resolvo que estimando a demanda formulada por Silvia Sánchez Prieto contra a empresa Onkawa Belleza, S.L. condénoa a lle aboar a cantidade de 963,64 euros, que lle debe en concepto de salarios.
Notifíquese ás partes e advírtase que contra esta sentenza non cabe interpor ningún recurso, ao abeiro do disposto no artigo 191 da Lei reguladora da xurisdición social.
Así por esta miña sentenza, pronúncioo, mándoo e asínoo.
Publicación. A anterior sentenza leuna e publicouna o maxistrado que a ditou, en audiencia pública do día da data, do que dou fe.
E para que lle sirva de notificación en legal forma a Onkawa Belleza, S.L. expídese este edicto para a súa inserción no Diario Oficial de Galicia.
A Coruña, 21 de xuño de 2013
O secretario xudicial