Teresa Camba Fernández, en representación de Huerta Camba, S.C., solicitou desta alcaldía unha licenza municipal para o proxecto de construción dunha nave para cortes, zona de muxidura e fosa de xurro, no lugar do Couto de Arriba da parroquia de Ramil (parcela número 303, do polígono 5 da zona de concentración parcelaria de Ramil), no concello de Castro de Rei.

En cumprimento do disposto no artigo 8 do Decreto 133/2008, do 12 de xuño, no cal se regula a avaliación de incidencia ambiental, sométese á información pública por un prazo de vinte (20) días hábiles, co fin de que durante este período –que comezará a contar desde o día seguinte ao da última publicación deste edicto no BOP e no Diario Oficial de Galicia– as persoas que dalgún xeito se consideren afectadas pola actividade que se pretende instalar poidan examinar o expediente, na Secretaría deste concello, e formular por escrito as reclamacións ou observacións que consideren oportunas.

Castro de Rei, 5 de xullo de 2013

Francisco Javier Balado Teijeiro
Alcalde